【六膠成員】劉沛蘅Jeffrey拍廣告險生「意外」　預告新一季《膠戰》亮點

護膚品牌LLa Mer繼上次豪華遊艇廣告後，相隔兩個月後再度邀請新一代女神劉沛蘅（Hillary）以及男神魏浚笙（Jeffrey），拍攝全新廣告企劃。

這對拍檔對於今次的合作亦相當滿意，Jeffrey說：「同到家姐（Hillary）拍攝已經好開心，6膠各有各忙，好難聚埋一齊。」 Hillary也相當認同：「好鍾意同Jeffrey一齊開工，因為佢好有活力，會令人好開心。」

Jeffrey「中二病」發作

當日拍攝其中一個鏡頭時，Jeffrey施展渾身解數要躲避Hillary搶走手上的產品，期間Jeffrey不斷炫技，在閃避Hillary的時候，卻意外撞到旁邊的層架，頂層數支產品應聲倒下，差點釀成「意外」。

幸好Hillary已經習慣Jeffrey的鬼馬百厭，反應夠敏捷接實，二人當堂嚇到個心離一離。

▼點擊圖片放大

+5

+4

合體拍時裝廣告？

Jeffrey坦言可以跟Hillary以拍檔形式，在不同範疇合作，他說：「我覺得我哋仲可以嘗試一齊拍時裝廣告，應該都會幾開心。」

Hillary亦想法一致：「我哋每次見面都會分享時尚資訊，因為大家都鍾意行街買嘢，所以可以合作拍fashion嘢，唔好浪費Jeffrey個靚仔樣，拍飲品食品都唔錯，因為我哋都超級鍾意食嘢。」

▲ （發相）

夏日護膚貼士

如果要為這個組合建立一個新名字，主意多多的Hillary有個好提議：「可以叫『番薯花』，因為有睇過《膠戰》嘅人，一講番薯就會諗起Jeffrey，花就會諗起我，我上網查過，真係有番薯花呢個品種，淡淡嘅紫色同白色，都係我哋鍾意嘅顏色。」

樂壇新人Jeffrey剛剛新戲剎科後，便要進行廣告拍攝，翌日更要搭長途機出埠工作。

除了要爭取時間休息外，Jeffrey更注意護膚保養，「因為拍戲關係曬黑咗好多，防曬真係好重要。曬完之後，保濕同埋修護都係少不了嘅。La Mer嘅The Treatment Lotion肌底修護液就可以一支搞掂晒，精華水嘅質地好輕身，一般我夏天齋用佢就好夠啦，有時夜晚吹冷氣會再on top 搽cream囉。」

Hillary則說：「我會比較注重清潔，第一步用The Treatment Lotion肌底修護液抺走多餘嘅角質，可以令之後嘅護膚品更加吸收，再搽精華同cream，做好保濕嘅工作，咁皮膚望落就可以好水潤啦！」

最新影片推介：趙璧渝專訪

Hillary效法Jeffrey加入樂壇？

今年，Jeffrey在事業上有很多新嘗試，除了加入樂壇推出個人單曲，最近與天后Sammi鄭秀文一起合唱《致我們的夢想》，首次唱Rap的他，外界亦一致好評！

問他可會亮相Sammi七月的演唱會，Jeffrey變得一臉正經：「好開心可以同到Sammi姐姐合作，亦都嘗試咗從來未試過嘅領域，就係Rap，原來我都可以嘗試呢個方向覺得好開心，至於演唱會，希望有機會啦，就算冇，我都一定會入場支持。」

至於Hillary會否效法Jeffrey加入樂壇，她坦言機會較微：「我覺得每一個行業，都要花好長時間去建立，如果要我獨立發展做歌手，未必會，反而如果有人搵我featuring一首歌，我覺得可以嘗試一下。」

《膠戰S3》7月見街

提到《膠戰S3》將於七月播出，Hillary相當興奮：「今集好多新挑戰，可以同大家透露少少，其中一集我哋要挑戰3位職業運動員，我仲俾其餘五膠激發我兇狠嘅一面。」Jeffrey更有一個新提議：「我覺得新一輯，應該出埠拍攝，一定會更加好玩。」

精彩獎賞活動等您發掘：https://bit.ly/3ClEy1R